19.11.2024 -cü il tarixdə Şəki-Zaqatala Regional Mədəniyyət İdarəsinin tabeliyində fəaliyyət göstərən M.F Axundzadə adına Şəki şəhər Mədəniyyət Mərkəzi və EN Group Production-un birgə təşkilatçılığı ilə Şəki şəhər Oraban kənd tam orta məktəbin müəllimi, həvəskar rəssam Könül Salahovanın “Könülün dünyası” adlı rəsm sərgisi keçirilib.
Şəki şəhər Rasim Ocaqov adına Uşaq-Gənclər İnkişaf Mərkəzində təşkil olunmuş sərgidə Şəki-Zaqatala Regional Mədəniyyət İdarəsinin, Şəki-Zaqatala Regional Təhsil İdarəsinin, Azərbaycan Təhsil İşçiləri Həmkarlar İttifaqı Şəki rayon Komitəsinin, Yeni Azərbaycan Partiyasının Şəki şəhər təşkilatının, Şəki şəhər Gənclər və İdman İdarəsinin rəhbərliyi, şəhid valideynləri, müəllimlər, mədəniyyət, təhsil işçiləri və şagirdlər iştirak ediblər.
Sərgi Dövlət Himninin səsləndirilməsi və Azərbaycanın ərazi bütövlüyü uğrunda canlarından keçən şəhidlərin xatirəsinin bir dəqiqəlik sükutla anılması ilə başlayıb.
Sərgidə çıxış edənlər gənc rəssam Könül Salahovanın yaradıcılığa, incəsənətə olan həvəsindən və bacarığından bəhs ediblər.
Tədbirdə Şəki məktəblərində təhsil alan şagirdlərden, Könül Salahovanın 23 yaşına simvolik olaraq 23 nəfər "Konüllülərdən Könülə" musabiqesine qatılaraq “Yaşıl dünya naminə həmrəylik ili”nə həsr olunmuş rəsmlər çəkiblər.
Tədbirin sonunda Könül Salahovanın iştirakı ilə münsiflər heyəti tərəfindən qaliblər müəyyənləştirilib və Fəxri Fərmanla təltif ediliblər.
