21 oktyabr 2024-cü il tarixində İsmayıllı rayon Heydər Əliyev adına Mədəniyyət Mərkəzində əməkdar mədəniyyət işçisi Aşıq Yanvar Bədəlovun xatirəsinə həsr olunmuş ''Dastan axşamı" adlı tədbir keçirilmişdir. Tədbirdə Dağlıq Şirvan Regional Mədəniyyət İdarəsinin rəis müavini Əlisultan Sadıxov, İsmayıllı Rayon İcra Hakimiyyətinin başçısının müavini Sevil Əhmədova, Azərbaycan Aşıqlar Birliyinin katibi Musa Nəbioğlu, Azərbaycan Milli Elmlər Akademiyasının Folklor institutunun əməkdaşı, filologiya və fəlsəfə elmləri doktoru, dosent Atəş Əhmədli və rayon ictimaiyyəti iştirak etmişdir. Tədbirdə çıxış edən Azərbaycan Aşıqlar Birliyinin katibi Musa Nəbioğlu tədbir iştirakçılarına əməkdar mədəniyyət işçisi Aşıq Yanvar Bədəlovun həyat və yaradıcılığı haqqında danışaraq aşığın bu sənətin yayılmasındakı rolundan bəhs etmiş, onun dastançı aşıq və “Koroğlu havaları” kimi klassik aşıq havalarının mahir ifaçısı olduğunu vurğulamışdır. Daha sonra aşığın həyat və yaradıcılığından bəhs edən videoçarx izlənilmişdir.
Tədbirin bədii hissəsində əməkdar mədəniyyət işçisi, "Tərəqqi" medallı xanəndə Sahibə Abdullayeva, aşığın tələbələri olmuş Elman Mehdiyev, Qalib Güləliyev, Elçin Məmmədov çıxış etmişdir. Onların ifaları tamaşaçılar tərəfindən rəğbətlə qarşılanmışdır.
#MədəniyyətNazirliyi
#DağlıqŞirvanRMİ
