"Xüsusi hallar zamanı görülməli işlər barədə prosedur qaydalar"a dair görüşlər keçirilib
-----
Dağlıq Şirvan Regional Təhsil İdarəsinin tabeliyində fəaliyyət göstərən təhsil müəssisələrinin rəhbərləri ilə Azərbaycan Respublikasının Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin müvafiq əmri ilə təsdiq edilmiş “Xüsusi hallar zamanı görülməli işlər barədə prosedur Qaydalar”a əsasən görüləcək işlərə dair geniş tərkibdə görüşlər təşkil edilib.
Görüşlərdə Dağlıq Şirvan Regional Təhsil İdarəsinin əməkdaşları, eləcədə Rayon Təhsil Sektorlarının müdirləri və əməkdaşları iştirak etmişlər.
Şamaxı rayonu üzrə təhsil işçiləri ilə keçirilən görüşə video bağlantı vasitəsilə qoşulan Məktəbəqədər və Ümumi Təhsil üzrə Dövlət Agentliyinin məsul əməkdaşı Altun Rəcəbli və Regional Təhsil İdarələri üzrə məsul əlaqələndirici şəxs Sahibə Əliyeva təhsil müəssisələrində baş verən xüsusi hallarda operativ məlumatların çatdırılması, təcili tədbirlərin görülməsi, eləcə də təhsil müəssisələrinin rəhbərlərinin məsuliyyət və vəzifələri haqqında geniş məlumat veriblər.
Görüş qarşılıqlı müzakirələrlə davam etdirilib, sonda təhsil müəssisələrinin rəhbərləri mövzu ilə bağlı sual və təkliflər səsləndiriblər.
#MÜTDA #EduAz #DağlıqŞirvanRTİ #XüsusiHallar #Görüş
