Qaxda “Müasir metodik xidmətin təşkili” layihəsi çərçivəsində metodiki görüşlər davam edir
- - - - -
Şəki-Zaqatala Regional Təhsil İdarəsinin tabeliyində fəaliyyət göstərən Qax şəhəri Namiq Allahverdiyev adına 2 nömrəli məktəb-liseydə “Müasir metodik xidmətin təşkili” layihəsi çərçivəsində dərs dinləmələri və metodiki görüşlər davam edir. Layihə çərçivəsində məktəbin metodisti Tükəzban Məqsudova müəllimlərlə fərdi qaydada əks-əlaqə yaradır, dərs proseslərini təhlil edir və ehtiyaclara uyğun metodik dəstək göstərir.
Qeyd edək ki, Məktəbəqədər və Ümumi Təhsil üzrə Dövlət Agentliyinin və Azərbaycan Respublikasının Təhsil İnstitutunun birgə həyata keçirdiyi layihənin məqsədi təhsilverənlərin metodiki və pedaqoji bacarıqlarını inkişaf etdirmək, onlara bu istiqamətdə dəstək göstərməkdir.
#EduAz #ŞəkiZaqatalaRTİ #ElmVəTəhsilNazirliyi #ARTİ #Məktəb #Müəllim #Metodist #MetodikXidmət
