Təhsildə inkişaf və innovasiyalar üzrə VIII qrant müsabiqəsi çərçivəsində fərdi kateqoriya üzrə qalib olmuş “Qeyri-formal təhsilin təşviqi üçün dərsdənkənar fəaliyyətlərdə Skautinq töhfəsi” layihəsinin açılış tədbiri keçirilib.
Dövlət himninin səsləndirilməsi ilə başlanan tədbirdə layihə rəhbəri Samux rayon Çobanabdallı kənd H.Zərdabi adına tam orta məktəbin direktoru, coğrafiya müəllimi Arzu Kərimov, layihənin təlimçisi və eksperti, məktəb direktorları, müəllimlər və şagirdlər iştirak ediblər.
Açılış tədbirində çıxış edən şəxslər layihənin məktəblilər üçün təhsilin inkişafı naminə faydalı olacağı, belə layihələrin icrasının şagirdlərdə bilik, bacarıq, səriştə və təcrübənin artmasına şərait yaradacağını bildiriblər.
Qeyd edək ki, layihənin məqsədi məktəbdə qeyri-formal təhsilin təşviqi üçün dərsdənkənar fəaliyyətlərdə skaut metodları vasitəsilə şagirdləri maarifləndirməkdən ibarətdir.
Layihənin vəzifəsi isə Skaut metodları ilə "Vətənpərvərlik", "Yaşıl dünya naminə həmrəylik" və s. mövzularda təlimlər təşkil edərək layihənin icra olunduğu ümumi təhsil məktəbində Skaut klubunu yaratmaqdır.
#GəncəDaşkəsənRTİ #QrantLayihə #Müəllim #Şagird #Məktəb
