Oktyabrın 31-də Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov Gəncə-Daşkəsən Regional Təhsil İdarəsinin müdiri vəzifəsinə təyin olunan Elçin Kərimovu kollektivə təqdim edib.
Təqdimatla bağlı səfər çərçivəsində Agentliyin direktoru Eşqi Bağırov Gəncə Şəhər İcra Hakimiyyətinin başçısı Niyazi Bayramovla görüşüb. Görüşdə Gəncə-Daşkəsən Regional Təhsil İdarəsin müdiri vəzifəsinə yeni təyin olunan Elçin Kərimov və İdarənin keçmiş müdiri Anar Qədiməliyev iştirak edib.
Daha sonra Eşqi Bağırov Elçin Kərimovu kollektivə təqdim edib, İdarənin fəaliyyətində, təhsil siyasətinin həyata keçirilməsində uğurlar arzulayıb.
Elçin Kərimov öz növbəsində ona göstərilən etimada görə təşəkkür edib.
Qeyd edək ki, bu vəzifəyədək Elçin Kərimov Mərkəzi Aran Regional Təhsil İdarəsinin müdiri vəzifəsində çalışıb.
#MÜTDA #Təyinat #GəncəDaşkəsənRTİ
