Mərkəzi Aran Regional Təhsil İdarəsinin tabeliyində olan təhsil müəssisələrinin yeni dərs ilinə hazırlıqları bitmişdir. Məktəblərdə dezinfeksiya işləri aparılmış, məktəbyanı ərazilərdə isə müxtəlif iməcilik və səliqə-səhman işləri görülmüşdür.
Qeyd etmək istərdik ki, yeni tədris ilinə hazırlıq müddətində bütün şagirdlərə məktəb dərslikləri paylanılmışdır. Dövlətimiz tərəfindən Mərkəzi Aran Regional Təhsil İdarəsinin ərazisində fəaliyyət göstərən məktəblərə ümumillikdə 371367 dərslik verilmişdir.
2024-2025-ci tədris ilində Mərkəzi Aran Regional Təhsil İdarəsinin tabeliyində olan ümumi təhsil müəssisələrində ümumillikdə 95831 nəfər şagird təhsil alacaq. Yeni tədris ilində ümumtəhsil məktəblərinin l sinfində 7738, XI sinfində isə 6656 şagird oxuyacaq.
Elm və Təhsil Nazirliyinin “Ümumi təhsil müəssisələrində 2024–2025-ci tədris ilinin təşkili barədə” müvafiq əmrinə əsasən, yeni tədris ilində ümumi təhsil müəssisələrinin II-XI siniflərində ilk dərs “Yaşıl dünya naminə həmrəylik” mövzusuna həsr olunacaq.
Bütün təhsil ictimaiyyətinə yeni tədris ilində uğurlar arzu edirik.
#MərkəziAranRTİ #RTİ #SalamMəktəb #YeniTədrisİli
