Seçki Qərargahından verilən məlumata görə sentyabr ayının 1-də Milli Məclisə keçiriləcək seçkilərdə 89 saylı Seçki Dairəsindən namizədliyi qeydə alınmış Novruzəli Davud oğlu Aslanov ( Novruz Aslan) təbliğat planına uyğun olaraq təbliğatın doqquzuncu gününün üçüncü görüşü İsmayıllı rayonunun Buynuz kənd seçiciləri ilə oldu. Novruz Aslan görüşə gələn kənd sakinlərini salamladı və öz platformasından danışdı. Vətən müharibəsində, Qisas əməliyyatında və 1 günlük antiterror əməliyyatlarında canlarını fəda edən Şəhidlərimizin və Qazilərimizin keçdiyi şərəfli ömür yolundan və Qalib ölkəmizin regionda və dünyadakı nüfuzundan danışdı. Görüşdə iştirak edən Əməkdar İncəsənət Xadimi Baba Vəziroğlu çıxış edərək Novruz Aslanın İsmayıllı və ölkəmiz üçün xidmətlərindən danışdı. Sonra seçicilərlə Novruz Aslanın səmimi söhbəti oldu. Kənd sakinləri onları maraqlandıran sualları verərək yaşadıqları kəndin qayğılarından danışdılar. Sonda görüşə gələn kənd sakinləri çıxış edərək onlara göstərilən diqqətə görə Novruz Aslana təşəkkürlərini bildirdilər. Məlumat üçün bildirək ki, təbliğat kompaniyası avqustun doqquzundan başlayıb bu Novruz Aslanın otuz üçüncü görüşüdür. Novruz Aslanın bu gün üçün üçüncü görüşüdür.
P.S.
Məlumat üçün bildirək ki, Novruz Aslan Buynuz kəndində seçicilərlə görüşdən qabaq Xalq Şairi Musa Yaqubun məzarını ziyarət edib. Ziyarət də əməkdar jurnalist Şəmsiyyə Kərimova, yazıçı- jurnalist Təranə Cəbiyeva, yazıçı-jurnalist Daşdəmir Əjdəroğlu, şair- jurnalist Bəhruz Məmmədov da iştirak ediblər.
