Avqustun 6-da Mərkəzi Aran Regional Təhsil İdarəsində bir qrup təhsil işçisi ilə Elm və Təhsil Nazirliyi tərəfindən elan olunmuş “2024–2025-ci tədris ilində icma əsaslı məktəbəqədər təhsil xidmətlərinin təşkili” qrant müsabiqəsində iştirakla bağlı maarifləndirici görüş keçirilib.
Görüşdə Mərkəzi Aran Regioanal Təhsil İdarəsinin müdir müavini Cavad Cavadov, struktur bölmə rəhbərləri və əməkdaşları, bir qrup təhsil işçisi iştirak edib.
Görüş zamanı Elm və Təhsil Nazirliyi tərəfindən 2024–2025-ci tədris ilində hər hansı səbəbdən məktəbəqədər təhsildən kənarda qalmış uşaqlar üçün icma əsaslı məktəbəqədər təhsil xidmətlərinin təşkili üçün elan olunan qrant müsabiqəsi barədə məlumat bildirilib, eyni zamanda icma əsaslı məktəbqədər təhsilin əhatə dairəsinin genişləndirilməsi istiqamətində sözügedən müsabiqədə aktiv iştirak etmələri vurğulanıb.
Sonda görüş iştirakçılarının sualları cavablandırılıb, təkliflər dinlənilib.
Qeyd edək ki, qrant müsabiqəsində iştirak üçün sənədlərin qəbulu alternativxidmet@edu.gov.az elektron poçt ünvanı vasitəsilə aparılır. Sənəd qəbulu üçün son müraciət tarixi 16 avqust 2024-cü ildir.
#EduAz #ElmVəTəhsilNazirliyi #MÜTDA #MərkəziAranRTİ #MərkəziAranRTİEduAz #MəktəbəqədərTəhsil #İcmaƏsaslı #QrantMüsabiqə
