Müəllimlərin işə qəbulu müsabiqəsinin test imtahanı mərhələsi yekunlaşıb
- - - - -
İyulun 10-da müəllimlərin işə qəbulu (#MİQ) müsabiqəsinin test imtahanları mərhələsi başa çatıb.
02-10 iyul tarixlərində təşkil olunan test imtahanı mərhələsi Mərkəzi Aran RTİ üzrə 4 mərkəzdə (Mingəçevir şəhər R.Mirabov adına 7 nömrəli tam orta məktəb, Mingəçevir şəhər N.Ahəngari adına 13 nömrəli tam orta məktəb, Mingəçevir şəhər R.Muradov adına Texniki humanitar lisey və Kürdəmir şəhər R.Quliyev adına 5 nömrəli tam orta məktəb) keçirilib.
Qeyd edək ki, MİQ-in əsas məqsədi savadlı və bacarıqlı müəllimlərin seçimidir. Müsabiqə peşəkar və mütəxəssis müəllimləri tapmağa imkan verir ki, bu da öz növbəsində tədris prosesindəki effektivliyi artırmağa kömək edir. Həmçinin müsabiqə yeni məzun olmuş pedaqoji profilli ixtisaslı gənclərin potensiallarını göstərmələrinə imkan verir.
Mərkəzi Aran Regional Təhsil İdarəsi test imtahanlarının təşkilində dəstəyinə görə AR Daxili İşlər və Fövqəladə Hallar Nazirliklərinin, Tibbi Ərazi Bölmələrini İdarəetmə Birliyinin (TƏBİB) yerli bölmələrinə və eləcə də imtahan heyətinin iştirakçılarına öz təşəkkürünü bildirir.
#ElmvəTəhsilNazirliyi #EduAz #MÜTDA #MərkəziAranRTİ #ARTİ #Müəllim #MİQ2024
