“Təhsil işçiləri üçün idarəetmə və peşəkar inkişaf proqramı”nın seminar mərhələsi keçirilir
- - - - -
İyulun 10-dan Mərkəzi Aran Regional Təhsil İdarəsində “Təhsil işçiləri üçün idarəetmə və peşəkar inkişaf proqramı” layihəsinin qiymətləndirmə mərhələsində uğur qazanan təhsilverənlərlə seminar mərhələsinə start verilib.
Görüşdə Mərkəzi Aran Regional Təhsil İdarəsinin müdiri Elçin Kərimov, müdir müavini Cavad Cavadov, struktur bölmə rəhbərləri və əməkdaşları, adıçəkilən layihənin qiymətləndirilməsi mərhələsində uğur qazanan namizədlər iştirak edir.
Görüşdə çıxış edən təhsil idarəsinin müdiri Elçin Kərimov ilk olaraq layihənin qiymətləndirmə mərhələsindən uğur qazanan namizədləri təbrik edib və daha sonra layihə barədə geniş məlumat bildirib. İdarə müdiri layihənin başlıca məqsədinin potensiallı kadrların aşkar olunması, onların məktəb idarəetməsi üzrə peşəkar inkişaflarının təmin edilməsi, vəzifədə irəli çəkilməsindən ibarət olduğunu vurğulayıb.
Daha sonra seminar mərhələsində namizədlərə təhsil və əmək qanunvericiliyinə dair müxtəlif mövzular üzrə təlimlər keçirilir.
Qeyd edək ki, hər təlimin sonunda namizədlərin müvafiq qiymələndirmə meyarları əsasında bilik-bacarıqları qiymətləndiriləcək və uğur qazanılan halda digər mərhələdə iştirak etmək hüququ əldə edəcəklər. Onu da qeyd edək ki, təlimlərin 1 ay müddətində təşkil olunması nəzərdə tutulur.
#EduAz #MÜTDA #MərkəziAranRTİ #MərkəziAranRTİEduAz #ÜmumiTəhsil #İnkişafProqramı
