Qazax şəhər 1 nömrəli Uşaq Musiqi Məktəbi 2023/2024-cü tədris ilinin yekunu ilə əlaqədar hesabat konserti təqdim edib.
Konsert proqramında ilk öncə Azərbaycan Respublikasının Dövlət Himni səsləndirilib, Vətən uğrunda canlarından keçən əziz şəhidlərimizin xatirəsi 1 dəqiqəlik sükutla yad olunub.
Məktəbin direktor vəzifəsini icra edən Rövşanə Lətifova çıxış edərək müəllimlərə öz təşəkkürünü bildirib və 2023-2024-cü tədris ilində məktəbin müəllim və şagird heyətinin qarşıya qoyulan tədbirləri və tədris planını uğurla yerinə yetirməsindən bəhs edib.
Daha sonra tədbir konsert proqramı ilə davam edib. Konsertdə məktəbin şagirdləri tərəfindən azərbaycanlı və xarici bəstəkarların əsərləri ifa olunub.
