Mədəniyyət İşçiləri Həmkarlar İttifaqı Ağstafa rayon Komitəsinin təşkilatçılığı və Ağstafa rayon Mədəniyyət Mərkəzinin direktoru Xuraman Əzimovanın iştirakı ilə Qurban bayramı münasibətilə vətənimizin azadlığı uğrunda gedən döyüşlərdə qəhrəmancasına şəhid olmuş Xəyal Nəsrəddin oğlu Əliyevin ailəsi ziyarət edilib.
Əvvəlcə ziyarətçilər şəhid Xəyal Əliyevin Vurğun qəsəbəsindəki qəbirüstü abidəsi üzərinə gül dəstələri düzərək ruhuna dualar oxuyublar.
Sonra yaşadığı evdə Qəhrəmanlıq guşəsinə baxış keçirilib. Müqəddəs Qurban bayramı münasibətilə ailə üzvlərini təbrik edərək bildiriblər ki, şəhidlər heç vaxt unudulmur, nə qədər xalqımız var şəhidlərin əziz xatirəsi daim yaddaşımızda yaşayacaqdır.
Həmçinin, ailəyə bayram sovqatı təqdim edilib.
