Şagirdimiz “Qərbi Azərbaycana qayıdış” olimpiadasının qalibi olub
-----
İsmayıllı şəhər 5 nömrəli tam orta məktəbin X sinif şagirdi Abdullayev Vüsal Sahib oğlu “Qərbi Azərbaycana qayıdış” olimpiadasının Naxçıvanda keçirilən final mərhələsində iştirak edərək III yerə layiq görülüb və bürünc medal qazanıb.
Olimpiadanın final mərhələsində iştirak edən 36 nəfərdən 19-u qalib olub. Onlardan 3 nəfər I, 6 nəfər II, 10 nəfər isə III yerə layiq görülüb. Qaliblərə diplom və hədiyyələr təqdim edilib.
Qeyd edək ki, olimpiada Elm və Təhsil Nazirliyi, Naxçıvan Muxtar Respublikasının Təhsil Nazirliyi, Təhsil İnstitutu, Qərbi Azərbaycan İcması və Naxçıvan Dövlət Universitetinin tərəfdaşlığı ilə keçirilib.
Şagirdimizi təbrik edir, ona gələcəkdə daha yüksək uğurlar arzulayırıq.
