4 iyun 2024-cü il tarixində Şamaxı rayon Heydər Əliyev Parkında Dağlıq Şirvan Regional Mədəniyyət İdarəsinin tabeliyində fəaliyyət göstərən Şamaxı rayon Heydər Əliyev Mərkəzinin, Dağlıq Şirvan Regional Təhsil İdarəsinin, Dağlıq Şirvan Regional Gənclər və İdman İdarəsinin Şamaxı rayonu üzrə gənclər və idman sektorunun birgə təşkilatçılığı ilə "Yaşıl Dünya Naminə Həmrəylik İli" çərçivəsində “Təbiətimizi sevək və qoruyaq" adlı rəsm müsabiqəsi keçirilib.
Tədbirdə "Şöhrət" ordenli, Azərbaycan Respublikasının Xalq Artisti, professor - İlham Namiq Kamal, Şamaxı rayonu üzrə gənclər və idman sektorunun müdiri - Şahmar Hüseynov, Dağlıq Şirvan Regional Təhsil İdarəsinin nümayəndəsi - İsa Səlimov, Şamaxı rayon Heydər Əliyev Mərkəzinin direktoru - Könül Eyvazova, Dağlıq Şirvan Regional Mədəniyyət idarəsinin nümayəndəsi - Rəfail Tağızadə, gənc rəssamlar, valideynlər, şəhər sakinləri iştirak ediblər.
Sonda iştirakçılar Şamaxı rayon Heydər Əliyev Mərkəzi, Dağlıq Şirvan Regional Gənclər və İdman İdarəsi, Dağlıq Şirvan Regional Təhsil idarəsi tərəfindən müvafiq diplomlarla təltif olunublar.
