Təhsil işçiləri arasında şahmat turniri
- - - - -
İyunun 25-də Göyçay rayon Uşaq-Gənclər İdman-Şahmat Məktəbində Mərkəzi Aran Regional Təhsil İdarəsinin tabeliyində fəaliyyət göstərən məktəbdənkənar təhsil müəssisələrinin məşqçi müəllimləri arasında "26 iyun - Azərbaycan Respublikası Silahlı Qüvvələri Günü" münasibətilə şahmat turniri keçirilib.
Turnir Azərbaycan Respublikasının Dövlət Himninin səsləndirilməsi və Ulu öndər Heydər Əliyevin, vətənimizin bütövlüyü uğrunda canlarından keçən şəhidlərin əziz xatirəsinin bir dəqiqəlik sükutla yad edilməsi ilə başlayıb.
Yarışı giriş sözləri ilə açan Mərkəzi Aran Regional Təhsil İdarəsinin müdir müavini Cavad Cavadov keçirilən yarışın əhəmiyyətindən danışaraq bütün turnir iştirakçılarına uğurlar arzulayıb.
88 iştirakçının iştirak etdiyi yarış FİDE qaydaları çərçivəsinə uyğun olaraq kişilər və qadınlar arasında İsveçrə sistemi ilə 7 turdan ibarət olmaqla keçirilib.
Sonda I, II və III yerin qalibləri müəyyənləşib. Qalibləri təbrik edir, hər birinə uğurlar arzulayırıq.
Qeyd edək ki, yarışın keçirilməsində məqsəd asudə vaxtın səmərəli təşkili və təhsil işçiləri arasında dostluq və idman əlaqələrini möhkəmləndirməkdən ibarətdir.
#MÜTDA #MərkəziAranRTİ #MərkəziAranRTİEduAz #MəktəbdənkənarFəaliyyət #26İyun #ŞahmatTurniri #Müəllim
