Qazax rayon Mərkəzi Kitabxana Sistemi “Yaşıl dünya naminə həmrəylik ili” ilə bağlı “Ölkəmizin faydalı qazıntıları, əvəzsiz sərvətləri haqqında nə bilirik?” adlı bilik yarışması keçirib.
Yarışmada bir qrup şəhər məktəbliləri, fəal oxucular, valideynlər və kitabxana əməkdaşları iştirak edib.
“Zəfər”, “Göyəzən”, “Qazançı” adlı üç komandada 8-9-cu sinif şagirdlərindən 12 nəfər iştirak edib. “Ölkəmizin faydalı qazıntıları, əvəzsiz sərvətləri haqqında nə bilirik?” mövzusunda suallara tez və ətraflı cavab verən, münsiflərin rəyinə əsasən “Zəfər” komandası 1-ci, “Göyəzən ” komandası 2-ci, “Qazançı” komandası 3-cü yerə layiq görülüb.
Qaliblərə təhsildə və gələcək həyatlarında uğurlar arzulanıb, hədiyyələr təqdim olunub.
Bilik yarışmasının sonunda sərgilər ətrafında diskussiya keçirilib.
#qazaxtovuzrmi #mədəniyyət #yaşıldünyanaminəhəmrəylikili #yarışma #qazax
