31.05.2024-cü il tarixində Mərkəzi Aran Regional Mədəniyyət İdarəsi, Mingəçevir Dövlət Dram Teatrı və Şəki-Zaqatala Regional Mədəniyyət İdarəsinin birgə təşkilatçılığı ilə 1 iyun "Uşaqların beynəlxalq müdafiəsi günü" münasibətilə Mingəçevir Dövlət Dram Teatrında tədbir keçirilib.
Tədbirdə çıxış edən Mərkəzi Aran Regional Mədəniyyət İdarəsinin rəisi Aydın Bəşirov, Şəki-Zaqatala Regional Mədəniyyət İdarəsi r.v.i.e Nargilə Qafarova və Mingəçevir Dövlət Dram Teatrının direktoru İntiqam Soltan bu gün münasibətilə uşaqları təbrik edib, dövlətimiz tərəfindən onlara göstərilən qayğıdan bəhs ediblər.
Tədbir, Mingəçevir şəhər Üzeyir Hacıbəyov adına 11 nömrəli və Şəki şəhər 4 nömrəli Uşaq Musiqi Məktəbi müəllimlərinin səsləndirdiyi milli musiqi nümunələri və ədəbi-bədii kompozisiyalarla davam etdirilib.
#musiqi
#beynəlxalq #uşaq #günü #teatr #mədəniyyət
