VI siniflər üçün monitorinq keçirilib
-----
Dağlıq Şirvan Regional Təhsil İdarəsinin tabeliyində fəaliyyət göstərən ümumtəhsil məktəblərində təhsil alan VI sinif şagirdləri üçün monitorinq keçirilib.
Dağlıq Şirvan RTİ-nin müdiri Rövşən Əliyev və
Məktəbəqədər və Ümumi Təhsil üzrə Dövlət Agentliyinin əməkdaşı Bədəl Bədəlov Şamaxı rayonunda monitorinq təşkil edilən mərkəzlərdə olaraq prosesi izləyiblər.
Qeyd edək ki, tədris dili və riyaziyyat fənləri üzrə aparılan monitorinqin nəticəsi şagirdlərin summativ qiymətləndirmə ballarına, eləcə də sinifdən sinfə keçmələrinə təsir göstərmir.
Monitorinqin keçirilməsində məqsəd şagird nailiyyətlərini yaxşılaşdırmaq, məktəblilərdə müvafiq standartlar üzrə bilik və bacarıqların hansı səviyyədə formalaşdığını müəyyən etmək, həmçinin tədrisin keyfiyyətini artırmaqdır.
Qeyd edək ki, 18–19 may tarixlərində keçiriləcək monitorinqdə 300 min nəfərə yaxın şagirdin iştirakı nəzərdə tutulub.
