Mayın 25-də Mərkəzi Aran Regional Təhsil İdarəsinin tabeliyində fəaliyyət göstərən ümumi təhsil müəssisələrinin şagirdlərinin iştirakı ilə Məmməd Əmin Rəsulzadənin 140 illiyinə həsr olunmuş "Bir kəsə yüksələn bayraq" adlı intellektual məktəb çempionatının zona mərhələsi keçirilib.
Çempionat Azərbaycan Respublikası Dövlət Himninin səsləndirilməsi və şəhidlərin əziz xatirəsinin bir dəqiqəlik sükutla yad edilməsi ilə başlanılıb.
Yevlax şəhər İ.Nəsimi adına 3 nömrəli tam orta məktəbdə keçirilən çempionatda hər rayon (şəhər) 1 komanda və 6 nəfər olmaqla təmsil olunub.
Maraqlı və gərgin keçən yarışda Zərdab rayon komandası I yerə layiq görülüb.
Məhəmməd Əmin Rəsulzadənin 140 illiyinə həsr olunmuş məktəblilər arasında “Bir kərə yüksələn bayraq” adlı intellektual məktəb çempionatının hər zona üzrə qalib çıxmış komandası Elm və Təhsil Nazirliyi tərəfindən kubok və medallarla mükafatlandırılacaq. Eyni zamanda zonalar üzrə qalib çıxmış komandalar İctimai televiziya tərəfindən təşkil olunacaq çəkilişlərə də vəsiqə
qazanacaqlar.
Qeyd edək ki, çempionatın keçirilməsində məqsəd yeniyetmə və gənclərin intellektual və yaradıcılıq bacarıqlarının inkişafına kömək etmək, yüksək yaradıcılıq qabiliyyətinə, intellektual potensiala və müxtəlif sahələrdə dərin biliklərə malik gəncləri
aşkar etmək, onların inkişaf etdirilməsinə şərait yaratmaq, Respublikanın müxtəlifregionlarında ən güclü məktəb komandalarını müəyyən etməkdən ibarətdir.
