Şagirdlərimiz “Əsgərə məktub” layihəsində iştirak ediblər
-----
Şamaxı Avropa liseyinin I c sinif şagirdləri “Əsgərə məktub” layihəsi çərçivəsində Şamaxı "ASAN xidmət" mərkəzinə ekskursiya edərək, mərkəzdə yaradılan bölmədə qəhrəman əsgərlərimizə məktublar yazaraq qutuya atmışlar.
Liseyin ibtidai sinif müəllimi Abbasova Vüsalə Anəs qızının təşkilatçılığı ilə təşkil edilən ekskursiyada, daha sonra şagirdlər Şamaxı "ASAN xidmət" mərkəzinin binasını gəzərək, mərkəzlə yaxından tanış olmuşlar.
Sonda mərkəzdə fəaliyyət göstərən könüllü əməkdaşlar tərəfindən şagirdlərə vətənpərvərlik mövzusunda masterklass göstərilib.
Qeyd edək ki, “Əsgərə məktub” layihəsi, Azərbaycan xalqının vətənpərvərlik ruhunu və dövlətçilik dəyərlərini gücləndirməkdə mühüm rol oynayır. Layihə, şagirdlərin və gənclərin vətənpərvərlik ruhunda tərbiyə edilməsini və bu ideologiyanın gənclər arasında doğru istiqamətdə təbliğ edilməsini təşviq edir.
