"Füzuli dünyası" adlı tədbir keçirilib
-----
Azərbaycan şairi Məhəmməd Füzulinin 530 illiyi ilə əlaqədar aprel ayı ərzində elan edilən "Məktəblərdə Məhəmməd Füzuli ayı" layihəsinə həsr edilən yekun tədbir İsmayıllı rayonunda keçirilib.
Dağlıq Şirvan Regional Təhsil İdarəsinin təşkilatçılığı ilə keçirilən tədbirdə idarənin müdiri Rövşən Əliyev, müdir müavini Həmid Qasımov, İsmayıllı Rayon İcra Hakimiyyəti başçısının müavini Sevil Əhmədova, İsmayıllı Rayon Təhsil Sektorunun müdiri Rəşid Məmmədov, məktəb direktorları, müəllimlər və şagirdlər iştirak ediblər.
İsmayıllı Rayon Mədəniyyət Mərkəzində keçirilən tədbirdə məktəblilər ölməz Məhəmməd Füzuli kantatasından, qəzəl və qəsidələrindən ibarət kompozisiya, poemalarından səhnələr təqdim ediblər.
Sonda tədbirdə fəal iştirakına görə fərqlənənlər təltif edilib.
