Aprelin 18-də Mərkəzi Aran Regional Mədəniyyət İdarəsinin və Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Qəbələ Regional İdarəsinin birgə təşkilatçılığı ilə 18 Aprel - Beynəlxalq Abidələr və Tarixi Yerlər Günü münasibətilə tədbir keçirilib.
Göyçayda yerləşən tarixi abidə - Əblülfəzlil Əbbas Məscidində təşkil edilən tədbirdə Mərkəzi Aran Regional Mədəniyyət İdarəsinin Aparat işçiləri, Göyçay Rayon İcra Hakimiyyəti başçısının müavini Zivər Zeynalova, rayon ictimaiyyətinin nümayəndələri, məktəblilər və mədəniyyət müəssisələrinin əməkdaşları iştirak ediblər.
Tədbir zamanı məsciddə ekskursiya aparılıb, məscidin tarixi haqqında, həmçinin Göyçayda yerləşən tarixi abidələr haqqında ətraflı məlumat verilib, nümayiş etdirilən sərgilərə baxış keçirilib.
Sonda şeirlərdən ibarət kompozisiyalar dinlənilib.
Qeyd edək ki, 18 Aprel - Beynəlxalq Abidələr və Tarixi Yerlər Günü Tarixi Yerlər və Abidələrin Mühafizəsi Şurasının (ICOMOS) təklifi üzrə UNESCO tərəfindən 1983-cü ildə təsis olunub. Məqsəd insanların diqqətini abidələrin və tarixi yerlərin qorunmasına yönəltməkdir.
