Kürdəmir rayonunda fəaliyyət göstərən mədəniyyət müəssisələrinin təşkilatçılığı rayon Heydər Əliyev Mərkəzində “Yaşıl dünya naminə həmrəylik ili”nə həsr olunmuş tədbir keçirilib.
Tədbirdə Kürdəmir Rayon İcra Hakimiyyətinin, rayon Yaşıllaşdırma İdarəsinin, 8 saylı Ekologiya və Təbii Sərvətlər idarəsinin nümayəndələri və mədəniyyət müəssisələrinin əməkdaşları iştirak ediblər.
İştirakçılar ilk olaraq "Yaşıl dünya naminə həmrəylik ili" münasibətilə yaradılmış kitab və rəsm sərgisi ilə tanış olublar.
Dəyirmi masa ətrafında davam etdirilən tədbirdə mövzuya aid videoçarx nümayiş olunub, dövr ərzində görülmüş işlərlə bağlı çıxışlar dinlənilib.
Tədbir ətraf mühitin mühafizəsi, ekoloji təmizliklə bağlı müzakirələr və təkliflərlə davam etdirilib.
