“Füzuli dünyası” adlı intellektual bilik yarışı təşkil olunub
- - - - - -
Aprelin 29-da Mərkəzi Aran Regional Təhsil İdarəsinin təşkilatçılığı ilə Kürdəmir şəhər R.Quliyev adına 5 nömrəli tam orta məktəbdə RTİ-nin tabeliyində fəaliyyət göstərən ümumi təhsil müəssisələrinin VIII-X sinif şagirdləri arasında cari ilin aprel ayının “Məktəblərdə Məhəmməd Füzuli ayı” münasibətilə “Füzuli dünyası” adlı intellektual bilik yarışı keçirilib.
Bilik yarışında Mərkəzi Aran Regional Təhsil İdarəsinin əhatə etdiyi 1 şəhər və 6 rayonun ümumi təhsil müəssisələrinin VIII-X sinif şagirdlərindən ibarət 7 komanda iştirak edib.
Yarış Azərbaycan Respublikasının Dövlət Himninin səsləndirilməsi, Ulu Öndərin və şəhidlərin əziz xatirəsini bir dəqiqəlik sükutla yad edilməsi ilə başlayıb.
Kürdəmir rayonu üzrə təhsil sektorunun müdiri Rəfail Məmmədov çıxış edərək yarış iştirakçılarını salamlayıb və yarış haqqında ümumi məlumat bildirərək iştirakçılara uğurlar arzulayıb.
Maraqlı və gərgin keçən yarışda “Mingəçevir” komandası 1-ci yerə, “Ucar” komandası 2-ci yerə və “Ağdaş” komandası isə 3-cü yerə layiq görülüb.
Sonda qalib komandalar Mərkəzi Aran Regional Təhsil İdarəsinin diplom və kuboku ilə təltif olunub.
Qeyd edək ki, bilik yarışının keçirilməsində məqsəd şagirdlərin müvafiq fənlər üzrə bilik, bacarıq və vərdişlərə yiyələnmə imkanlarının və Məhəmməd Füzuli yaradıcılığına olan meyl və marağının artırılması, əməkdaşlıq bacarıqlarının formalaşdırılması, intellektual səviyyəsini yüksəltmək, istedadlarının inkişaf etdirilməsi işini səmərəli təşkil etməkdən ibarətdir.
#MÜTDA #MərkəziAranRTİ #MərkəziAranRTİEduAz #ÜmumiTəhsil #MəktəblərdəMəhəmmədFüzuliAyı #Müsabiqə
