Vətəndaş qəbulu mexanizmlərinin qurulması və təkmilləşdirilməsi əsas hədəflərimizdəndir.
- - - - -
Aprelin 29-da Mərkəzi Aran Regional Təhsil İdarəsinin müdiri Elçin Kərimov Ağdaş rayonunda həmin rayon qeydiyyatında olan sakinləri qəbul edib.
Qəbulda Mərkəzi Aran Regional Təhsil İdarəsinin müdiri Elçin Kərimov, Elm və Təhsil Nazirliyinin Vətəndaşlara xidmət və sənədlərlə iş şöbəsinin müdir müavini Qorxmaz Əliyev və struktur bölmə rəhbərləri iştirak edib.
Keçirilən qəbulda vətəndaşlar əsasən işlə təmin olunma, əmək müqaviləsinin uzadılması, iş yerinin dəyişdirilməsi və digər məsələlərlə bağlı müraciət ediblər.
İdarə müdiri qəbula yazılmış vətəndaşların müraciət, şikayət və təkliflərini dinləyərək hər bir müraciətin operativ şəkildə araşdırılması və qaldırılan məsələlərin qanunvericiliyə uyğun həlli istiqamətində idarənin aidiyyəti üzrə struktur bölmələrinin əməkdaşlarına konkret tapşırıqlar verib.
