22 aprel 2024-cü il tarixdə Ağsu Rayon İcra Hakimiyyətinin, YAP Ağsu rayon təşkilatının, Dağlıq Şirvan Regional Mədəniyyət İdarəsi Ağsu rayonu üzrə mədəniyyət müəssisələrinin, Dağlıq Şirvan Regional Gənclər və İdman İdarəsi Ağsu rayonu üzrə gənclər və idman sektorunun, Gənclərin İnkişaf və Karyera Mərkəzinin Ağsu rayon nümayəndəliyinin birgə təşkilatçılığı ilə Ağsu rayon Heydər Əliyev Mərkəzində “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”na əsasən "Korrupsiyadan azad mühit və şəffaflıq" mövzusunda maarifləndirici seminar təşkil edilib.
Seminarda çıxış edənlər bildiriblər ki, korrupsiyaya qarşı mübarizənin davamlı olması, korrupsiyanın qarşısının alınması ilə bağlı müasir çağırışlara uyğun effektiv mexanizmlərin tətbiq edilməsi xüsusi əhəmiyyət kəsb edir.
Sonra Ağsu rayon Polis Şöbəsinin nümayəndəsi Aydın Eyvazov seminar iştirakçılarını maraqlandıran sualları cavablandırıb.
