Qazax-Tovuz Regional Mədəniyyət İdarəsinin təşkilatçılığı ilə xalq şairi Hüseyn Arifin 100 illiyi ilə əlaqədar “Hüseyn Arif irsi aşıq yaradıcılığında” adlı geniş konsert proqramı təqdim olunub.
Ağstafa rayon Mədəniyyət Mərkəzində keçirilən tədbirdə ilk olaraq xalq şairinin şəxsi əşyalarına, müəllifi olduğu kitabların və rəsm əsərlərinin sərgisinə baxış keçirilib.
Tədbirdə Qazax, Ağstafa, Tovuz və Şəmkirdən saz, söz ustaları iştirak edib.
Çıxışlarda Hüseyn Arifin Aşıq ədəbiyyatındakı rolundan danışılıb. Qeyd olunub ki, xalq şairi aşıq sənətini mükəmməl bilən şair olub, “Aşıqlar birliyini”, “Aşıq Pəri” məclisini yaradıb. Konsert zamanı regionun tanınmış aşıqlarının ifaları təqdim olundu.
Qeyd edək ki, Xalq şairi Hüseyn Arifin 100 illiyi ilə əlaqədar Qazax-Tovuz Regional Mədəniyyət İdarəsinin təsdiq etdiyi tədbirlər planına uyğun olaraq silsilə tədbirlər davam edəcək.
