18 mart 2024-cü il tarixində İsmayıllı rayon F.Əzimov adına Uşaq İncəsənət Məktəbi, İsmayıllı rayon Heydər Əliyev Mərkəzi və Mədəniyyət İşçiləri Həmkarlar İttifaqı İsmayıllı rayon komitəsinin birgə təşkilatçılığı ilə İsmayıllı rayon Heydər Əliyev Mərkəzində Novruz bayramına həsr edilən rəsm müsabiqəsi keçirilib.
Tədbirdə Dağlıq Şirvan Regional Mədəniyyət İdarəsinin, Mədəniyyət İşçiləri Həmkarlar İttifaqı İsmayıllı rayon komitəsinin, İsmayıllı rayon mədəniyyət müəssisələrinin əməkdaşları iştirak ediblər. Rəsm müsabiqəsində qalib gələn şagirdlərə diplomlar və hədiyyələr təqdim olunub.
Lətifzadə Vəfa Elman qızı 1-ci yer, Ağayev Nihad Elvin oğlu 2-ci yer, Babayeva Nuray Elbrus qızı 3-cü yer, Faxtiyeva Leyla Gülxan qızı 3-cü yerə layiq görülüb. Müsabiqədə fərqlənən digər şagirdlər də müxtəlif hədiyyələrlə təltif olunublar.
