Martın 4-də Şəki şəhər Heydər Əliyev MərkəzindəŞəki-Zaqatala Regional Mədəniyyət İdarəsinin Şura iclası keçirilib.İclasda Şəki-Zaqatala Regional Mədəniyyət İdarəsinin rəisi Nargilə Qafarova çıxış edərək mədəni xidmətlərin səviyyəsinin yüksəldilməsini, mədəniyyət müəssisələrinin fəaliyyətinin yaxşılaşdırılması istiqamətində tapşırıq və tövsiyələrini verib. O, çıxışında yaradıcı düşüncəyə malik olan gənclərin irəli çəkilməsi, kreativ layihələrin hazırlanması, keçirilən tədbirlərin kütləvi informasiya vasitələrində və sosial şəbəkələrdə işıqlandırılmasının əhəmiyyətini vurğulayıb.
Sonra regional idarənin məsul şəxsləri çıxış edərək, qurumların fəaliyyəti barədə ictimaiyyətin məlumatlandırılmasını və bundan irəli gələn digər vəzifələrin yerinə yetirilməsini, mədəniyyət üzrə peşəkarlığın artırılması mövzusunda fikirlərini bölüşüblər.Həmçinin qeyd olunub ki, qarşıda duran əsas vəzifələrdən biri mədəniyyət müəssisələrində keçirilən tədbirlərin formatında yeniliklərin edilməsi və müasir çağırışlara cavab verən layihəyönümlü fəaliyyət planının qurulmasıdır.
