İdarə müdiri Respublika şahmat turnirinin qalibləri ilə görüşüb
- - - - -
Martın 14-də Mərkəzi Aran Regional Təhsil İdarəsinin müdiri Elçin Kərimov Xocalı soyqırımı qurbanlarının xatirəsinə həsr olunmuş ənənəvi Respublika şahmat turnirinda qalib olan şagirdlərlə görüşüb.
Görüşdə Mərkəzi Aran Regional Təhsil İdarəsinin müdiri Elçin Kərimov, müdir müavini Cavad Cavadov, rayon (şəhər) uşaq-gənclər idman-şahmat məktəblərinin direktorları, şagirdlər və onların müəllimləri iştirak edib.
Görüşdə Təhsil İdarəsinin müdiri uğur qazanan şagirdləri təbrik edib və şahmatçıların əldə etdikləri bu nailiyyətlərin davamlı olacağına əminliyini bildirib, gələcək fəaliyyətlərində onlara uğurlar arzulayıb.
Qeyd edək ki, 26 fevral - 3 mart 2024-cü il tarixində “Təhsil” Respublika İdman Mərkəzinin təşkilatçılığı ilə Gəncə şəhər 2 nömrəli uşaq-gənclər idman-şahmat məktəbində Xocalı soyqırımı qurbanlarının xatirəsinə həsr olunmuş ənənəvi Respublika şahmat turnirində Mərkəzi Aran Regional Təhsil İdarəsinin tabeliyində fəaliyyət göstərən təhsil müəssisələrində təhsil alan 7 nəfər qalib olub.
