Millət vəkili Novruz Aslanov iş qrafikinə uyğun olaraq seçicilərlə səyyar görüşləri davam etdirir. Belə görüşlərin əksəriyyəti yerli icra strukturları ilə birgə təşkil olunur.
aia.az xəbər verir ki, növbəti belə görüş mart ayının 14-də İsmayıllı rayonunun Qalacıq kəndində keçirilib. İsmayıllı rayon İcra Hakimiyyətinin başçısı Nahid Bağırovla birgə təşkil olunan görüşdə yerli strukturların rəhbərləri və məsul şəxsləri də iştirak edib.
Görüşdə bir çox məsələlər ətrafında müzakirələr aparılıb, sakinlərin qaldırdığı məsələlər dinlənilib. Bəzi məsələlər operativ surətdə yerində həllini tapıb. Millət vəkili öz tövsiyələrini verib, müvafiq qurumlara aid olan məsələlər qeydiyyata alınaraq həlli istiqamətində aidiyyəti orqanlara müraciətin ediləcəyi sakinlərin diqqətinə çatdırılıb.
