22 Fevral 2024-cü il tarixində, Şamaxı rayon Şəhriyar qəsəbə tam orta məktəbində "26 Fevral - Xocalı Soyqırımı"nın 32-ci ildönümünə həsr olunmuş məktəbli şagirdlər arasında "Xocalı-Əsrin Faciəsi" adlı esse müsabiqəsi keçirildi.
İlk öncə Xocalıda həlak olan dinc sakinlərin xatirəsi bir dəqiqəlik sükutla yad olunub. Sonra Dağlıq Şirvan Regional Gənclər və İdman İdarəsinin Şamaxı rayonu üzrə gənclər və idman sektorunun əməkdaşı Səbinə Bağırova Xocalı faciəsi ilə bağlı şagirdlərə ətraflı məlumat verdi. Xocalı soyqırımının insanlığa qarşı törədilmiş cinayət olduğunu vurğuladı. Bildirdi ki, bu faciə ilə bağlı tarixi faktlar gənc nəsil tərəfindən də unudulmamalıdır.
Müsabiqədə iştirak edən şagirdlərin yazdıqları esselər müsabiqənin Əsasnaməsinə uyğun olaraq yoxlanıldıqdan sonra qaliblər elan olunacaq və Dağlıq Şirvan Regional Gənclər və İdman İdarəsi tərəfindən müvafiq diplomlarla təltif olunacaqlar.
