Fənn olimpiadalarının yarımfinal turu keçirilib
- - - - -
Fevralın 24-də cari tədris ili üzrə Mərkəzi Aran Regional Təhsil İdarəsinin tabeliyində olan ümumi təhsil müəssisələrində təhsilalan şagirdlər üçün Respublika Fənn Olimpiadalarının respublika mərhələsinin yarımfinal turu keçirilib.
IX, X, XI, həmçinin xüsusi istedada və hazırlığa malik VIII sinif şagirdlərin iştirak etdiyi fənn olimpiadalarında Mərkəzi Aran RTİ üzrə 745 nəfər şagird yarımfinal turunda iştirak etmək hüququ qazanıb.
Qeyd edək ki, Respublika Fənn Olimpiadalarının yarımfinal turu riyaziyyat, fizika, kimya, biologiya, Azərbaycan dili və ədəbiyyat, coğrafiya və tarix fənni daxil olmaqla 7 fənn üzrə təşkil olunur.
Respublika fənn olimpiadaları Kapital Bank ilə əməkdaşlıq əsasında həyata keçirilir.
Olimpiada iştirakçılarına uğurlar arzulayırıq!
