Yevlaxda direktor müavinlərinə və fənn metodbirləşmə rəhbərlərinə təlim keçirilib
- - - - -
Fevralın 2-də Yevlax şəhər İ.Nəsimi adına 3 nömrəli tam orta məktəbdə Yevlax rayonu üzrə təhsil sektorunun təşkilatçılığı ilə rayonun ümumi təhsil müəssisələrində çalışan tədris (təlim-tərbiyə) işləri üzrə direktor müavini və fənn metodbirləşmə rəhbərləri olan müəllimlərə maarifləndirici təlim keçirilib.
Keçirilən təlimdə məktəbdaxili qiymətləndirmələrin düzgün aparılması,qiymətləndirmə nəticələrinin müqayisəli təhlili, valideynlərin qiymətləndirmə nəticələri ilə məlumatlandırılması, sinif jurnallarına qiymətləndirmələrin düzgün işlənilməsi və digər zəruri məqamlara toxunulub.
Sonda qarşılıqlı fikir mübadiləsi aparılıb, təkliflər səsləndirilib, suallar cavablandırılıb.
Qeyd edək ki təlimin keçirilməsində məqsəd pedaqoji kadrlara dəstəkləyici mühitin formalaşması, tədrisin keyfiyyətinin yüksəldilməsinə yeni yanaşmaların tətbiq olunmasından ibarətdir.
