IX sinif şagirdləri üçün sınaq imtahanı keçirilib
- - - - -
Yanvarın 14-də Mərkəzi Aran Regional Təhsil İdarəsinin təşkilatçılığı ilə tabeliyində fəaliyyət göstərən ümumi təhsil müəssisələrində təhsil alan IX sinif şagirdlərinə buraxılış imtahanlarına hazırlıq məqsədilə mərkəzləşdirilmiş qaydada test üsulu ilə sınaq imtahanı keçirilib.
35 mərkəzdə keçirilən sınaq imtahanına hər bir şəhər və rayon üzrə 8999 nəfər şagird cəlb edilib.
Sınaq imtahanında şagirdlərə Azərbaycan dili, riyaziyyat və xarici dil fənləri üzrə 90 test tapşırığının cavablandırılması üçün 180 dəqiqə vaxt verilib.
Qeyd edək ki, sınaq imtahanı şagirdlərin buraxılış imtahanlarına hazırlığı, bilik və bacarıqlarının daha da artırılması, eləcə də hədəf, məsuliyyətin artırılması və builki buraxılış imtahanlarında nəticələrin yüksəlməsinə nail olmaq məqsədilə keçirilib.
