Şəkidə xalq artisti, şərqdə ilk dəfə opera yazan qadın bəstəkar Şəfiqə Axundovanın 100 illiyinə həsr olunmuş tədbir keçirildi.
Yanvarın 18-də Şəki şəhər 2 nömrəli Uşaq Musiqi məktəbinin təşkilatçılığı ilə baş tutan tədbirdə Şəki-Zaqatala Regional Mədəniyyət İdarəsinin məsul şəxsləri , MİHİ Şəki rayon komitəsinin sədri və məktəb kollektivi iştirak edib.
Konsertdə Şəfiqə Axundovanın hər tərəfli musiqi fəaliyyətindən söhbət açıb və onun müxtəlif əsərləri şagirdlərin və məktəbin müəllimlərindən ibarət "Vokal" instrumental ansablının ifasında dinlənilib.
Tədbirin sonunda qonaqlar çıxış edərək tədbir üçün təşəkkürlərini bildiriblər və məktəb kollektivinə uğurlar arzulayıblar.
Sonda tədbir iştirakçılar ilə xatirə şəklləri çəkdirilib.
