Dağlıq Şirvan Regional Təhsil İdarəsinin tabeliyində fəaliyyət göstərən Şamaxı rayonu üzrə 500 bal və daha yüksək nəticə göstərən məzunlar, eləcədə ötən tədris ilində respublika fənn olimpiadalarında, müxtəlif müsabiqə və yarışlarda fərqlənən şagirdlərlə görüş keçirilib.
Görüşdə Dağlıq Şirvan Regional Təhsil İdarəsinin müdiri Rövşən Əliyev, Şamaxı Rayon İcra Hakimiyyətinin başçısı Tahir Məmmədov, Şamaxının millət vəkili Tamam Cəfərova, YAP Şamaxı rayon Təşkilatının sədri Tural Qasımlı, Şamaxı Rayon Təhsil Sektorunun müdiri Məsud Babayev, məktəb direktorları, valideynlər və şagirdlər iştirak edib.
Çıxış edən natiqlər yüksək bal toplayan məzunları və uğurları ilə seçilən şagirdləri təbrik edərək, onlara gələcək həyatlarında uğurlar arzulayıblar.
Qeyd edək ki, Şamaxı rayonu üzrə ümumilikdə 286 nəfər məzun ali təhsil müəssisələrinə qəbul olub ki, onlardan 21 nəfər 500-dən, 11 nəfər isə 600-dən yüksək bal toplayıb.
Məzunlarımızı təbrik edir, onlara gələcək həyatlarında uğurlar arzulayırıq.
