Dağlıq Şirvan Regional Gənclər və İdman idarəsinin, Respublika Olimpiya Velosiped Məktəbinin nəzdində fəaliyyət göstərən İsmayıllı klubunun təşkilatçılığı, Velosport - İsmayıllı və TEXNOALİ mağazalarının dəstəyi ilə 9 avqust 2023 – cü il tarixində “ 12 Avqust – Beynəlxalq Gənclər Günü” münasibətilə Mərkəzi Meydan – Şəhidlər Xiyabanı – Mərkəzi Meydan marşurut xətti üzrə iki yaş qrupunda (12 – 15 yaş və 15 yaşdan yuxarı ) Veloyarış keçirildi. Tədbirin açılışında Dağlıq Şirvan Regional Gənclər və İdman idarəsinin rəisi Taleh Salehov və əməkdaşları, İsmayıllı rayon İcra Hakimiyyətinin əməkdaşı İsmayıl Faxtiyev,
Azərbaycan Velosiped Federasiyasının baş katibi Elnarə Musayeva, baş məşqçi Elçin Qəhrəmanov iştirak ediblər.
Tədbirin keçirilməsində məqsəd “ 12 Avqust – Beynəlxalq Gənclər Günü”nün mahiyyətini yarış iştirakçıları arasında təbliğ edilməsi , idmançılar arasında dostluq əlaqələrinin inkişaf etdirilməsi və yeniyetmələr, gənclər, eləcə də, əhalinin bütün təbəqələri arasında sağlam həyat tərzinin təbliğ etdirilməsindən ibarət olub.
Tədbir iştirakçıları çıxış edərək bildirdilər ki, ölkəmizdə gənclərə yüksək diqqət və qayğı göstərilir, uğurlu dövlət gənclər və idman siyasəti həyata keçirilir. Xalqımızın Ulu ÖndəriHeydər Əliyevin əsasını qoyduğu gənclər siyasətinin Prezident İlham Əliyevin rəhbərliyi ilə müasir dövrün tələblərinə uyğun davam etdirilməsi gənclərin hərtərəfli fəaliyyətinə geniş imkarlar yaradıb.
Maraqlı və gərgin keçən birincilikdə yeniyetmələr arasında Maksim Pulatov birinci yeri, Artyom Sokolov ikinci yeri və İvan Quryev isə üçüncü yeri ,həvəskarlar arasında isə Samir Həsənov birinci yeri, Həsən Hüseynov ikinci yeri və İbrahim Xalıqov isə üçüncü yeri qazanıblar.Bundan başqa yeganə xanım iştirakçı olan Mariana Akimova da birinci yerə layiq görülmüşdür.Qalib gəlmiş idmançılar təşkilatçılar tərəfindən diplom və qiymətli hədiyyələrlə mükafatlandırılıblar.
Qeyd edək ki,qalib gəlmiş iştirakçılara həm də sponsorlar tərəfindən bir illik servis xidməti göstəriləcək.
