11 avqust 2023-cü il tarixdə İsmayıllı rayonu Heydər Əliyev adına parkda Dağlıq Şirvan Regional Gənclər və İdman İdarəsinin və Gənclərin İnkişaf və Karyera Mərkəzinin Dağlıq Şirvan Regional nümayəndəliyinin İsmayıllı bölməsinin birgə təşkilatçılığı ilə “12 Avqust- Beynəlxalq Gənclər Günü” münasibətilə günərzi yay düşərgəsi təşkil olunub.
Tədbirin keçirilməsində məqsəd yeniyetmə və gənclərin asudə vaxtlarının səmərəli təşkili, intellektual-əyləncəli oyunlar, idman növləri üzrə müxtəlif yarışlar təşkil edərək onların fərdi inkişafını təmin etmək olub.
Tədbiri açıq elan edən Dağlıq Şirvan Regional Gənclər və İdman İdarəsinin rəisi Taleh Salehov iştirakçıları salamlayaraq əlamətdar gün haqqında gənclərə ətraflı məlumat verərək qeyd etmişdir ki, bu gün ölkəmizdə gənclər siyasəti mahiyyət və keyfiyyətcə yeni mərhələsini yaşayır. Prezident İlham Əliyev Ulu Öndərin gənclər siyasətinə sadiqliyini öz qərarları ilə təsdiq edir. Gənclərin mənəvi inkişafı, vətənpərvərlik tərbiyəsi, xarici ölkələrdə təhsili, sosial müdafiəyə ehtiyacı olanların problemlərinin həlli istiqamətində görülən işlər, gənclər təşkilatlarının formalaşması və inkişafı üçün yaradılan şərait və imkan bu sahəyə böyük diqqətin nəticəsidir. Düşərgədə gənclərin dünyagörüşünü və intellektual səviyyəsini inkişaf etdirmək, onların istedadını üzə çıxarmaq və nümayiş etdirmək məqsədilə müxtəlif rubrikalar təşkil olunub.Rubrikalar üzrə qalib gəlmiş iştirakçılar Dağlıq Şirvan Regional Gənclər və İdman İdarəsinin fəxri fərmanları və qiymətli hədiyyələri ilə mükafatlandırılıblar.
Sonda isə düşərgə iştirakçıları İsmayıllı Tarix-Diyarşünaslıq Muzeyinə səfər ediblər.
