"Tək Millət, Tək Ürək” Beynəlxalq Humanitar Platforması çərçivəsində, Azərbaycan Respublikasının Müdafiə Nazirliyi və İsmayıllı Rayon İcra Hakimiyyətinin dəstəyi ilə şəhid ailələri üçün tədbir təşkil olunub.
13 avqust 2023-cü il tarixində İsmayıllı rayonu Heydər Əliyev adına parkda Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin çağırışına qoşularaq, Türkiyənin Azərbaycandakı keçmiş səfiri cənab Erkan Özoralın təşəbbüsü və Türkiyə və Azərbaycan İş Adamları və Sənayeçiləri İctimai Birliyinin (TÜİB) İdarə Heyətinin sədri Hüseyin Büyükfıratın dəstəyi və təşklatçılığı ilə həyata keçirilən “Tək Millət, Tək Ürək” Beynəlxalq Humanitar Platforması çərçivəsində, Azərbaycan Respublikasının Müdafiə Nazirliyi, İsmayıllı Rayon İcra Hakimiyyətinin və Dağlıq Şirvan Regional Mədəniyyət İdarəsinin, rayon mədəniyyət müəssisələrin əməkdaşlarının dəstəyi ilə şəhid ailələri üçün növbəti tədbir təşkil olunub.
Tədbir Respublikanın tanınmış incəsənət adamlarının ifasında konsert proqramı ilə davam edib. Tədbirdə həmçinin şəhid övladları üçün sehrbazlıq göstərisi və İsmayıllı rayon Heydər Əliyev adına Mədəniyyət Mərkəzinin hazırladığı kukla teatrı nümayiş olunub.
