Danimarka hakimiyyəti 15 yaşadək uşaqlar üçün sosial şəbəkələrdən istifadəni qadağan etməyi planlaşdırır.
Bu barədə AFP agentliyi məlumat yayıb.
Baş nazir Mette Frederiksen bu təşəbbüs barədə parlamentdə çıxışı zamanı məlumat verib. O, hansı sosial media platformalarının qadağan olunacağını dəqiqləşdirməyib.
“Mobil telefonlar və sosial şəbəkələr uşaqlarımızın uşaqlığını əlindən alır,” - deyə Frederiksen bildirib.
Onun sözlərinə görə, statistika problemin ciddiliyini göstərir: ölkədə 11–19 yaş arası oğlanların 60%-i dostları ilə görüşmək əvəzinə vaxtlarını evdə keçirməyə üstünlük verir.
Təklif olunan qaydalara əsasən, uşaqlar 13 yaşdan etibarən sosial şəbəkələrdən yalnız valideyn icazəsi ilə istifadə edə biləcəklər.
