“Titanik”in ilk tammiqyaslı skanerində əldə edilən üçölçülü rəqəmsal görüntülər gəminin batmasından əvvəlki proseslə bağlı yeni təfərrüatı üzə çıxarıb.
Bu barədə “BBC” məlumat yayıb.
Bildirilib ki, aysberqə çırpıldıqdan sonra ikiyə bölünən gəminin 3D görüntüləri ilk dəfə olaraq 3800 metr dərinlikdə olan gəminin bütün qalıqlarını dəqiqliklə göstərib.
Bu sayədə gəminin batıran səbəblərdən birinin A4 kağızı ölçüsündə çoxlu dəliklərin olduğu, toqquşma zamanı aysberq parçalarının bəzi sərnişin kabinələrinə girdiyi müəyyən edilib.
Gəminin qazanxanasının yeni görüntüləri işçilərin gəminin işıqların sönməməsi üçün mübarizə apardığını ortaya çıxarıb. Qeyd olunub ki, işıqları yanılı saxlamaq üçün sobalarda kömür ehtiyatı saxlayan mühəndislər qrupunun səyləri sayəsində bir çox insanın həyatı xilas edilib.
Qeyd edək ki, 15 aprel 1912-ci ildə baş verən “Titanik” qəzası nəticəsində 1500-dən çox insan həyatını itirib, 710 nəfər xilas edilib.
