Trampa sui-qəsd cəhdini proqnozlaşdıran amerikalı “peyğəmbər” ABŞ-da güclü zəlzələnin olacağını iddia edir.
Oklahomadan olan keşiş Brandon Deyl Biqqs deyir ki, Allah ona bu yaz Amerikanın qəlbini sarsıdacaq başqa bir görüntü göstərib.
“Daily Mail”in məlumatına görə, keşiş Missuri, Arkanzas, Tennessi, Kentukki və İllinoys ştatlarından keçən Nyu Madrid qırılma xəttində 10 bal gücündə zəlzələ gördüyünü bildirib.
O, Nyu Madridi vuracaq böyük zəlzələnin "zəncirvari reaksiyaya" və "Texarkana, Texas və Oklahoma ştatlarını təsir edəcək 6,5 bal gücündə təkanlara" səbəb olacağını iddia edib.
"Bütün blok evlər tamamilə yerlə-yeksan olacaq, sadəcə çökəcəklər", - o, qorxunc proqnoz verib. Pastor iddia edib ki, Tanrı ona zəlzələnin "Qüdsü iki dövlətə bölməyə cəhd etdikdən" üç gün sonra baş verəcəyini söyləyib.
“Bu, Yaxın Şərqdə İsrail-Fələstin münaqişəsinin həlli üçün təklif olunan yanaşmadır”, - “Daily Mail” izah edir.
"Nyu Madriddə zəlzələ çox güclü olacaq və bundan sonra Missisipi çayı öz mənbəyini dəyişərək başqa istiqamətə axacaq", - deyə “keşiş peyğəmbər” bildirib.
