ABŞ-da quş qripinə yoluxma hallarında artım müşahidə olunduğundan fövqəladə vəziyyət elan edilib.
Bu barədə ABŞ Xəstəliklərə Nəzarət və Qarşısının Alınması Mərkəzi (CDC) tərəfindən açıqlama verilib.
Bildirilib ki, Luiziana ştatında yaşayan bir şəxs quş qripi səbəbindən xəstəxanaya yerləşdirilib. Xəstənin evinin həyətyanı sahəsindəki ev quşlarından virusa yoluxduğu qeyd olunub.
Bu hadisə ABŞ-da insanlarda müşahidə edilən ilk ciddi quş qripi hadisəsi kimi qeydə alınıb.
CDC aprel ayından bəri quş qripinə 61 nəfərin yoluxduğunu, əksəriyyəti heyvan fermalarında çalışan işçilər olduğunu müəyyən edib.
Quş qripi epidemiyası ABŞ-ın Kaliforniya rəhbərliyini də narahat edib. Dekabrın 12-də Kaliforniyanın cənubundakı 4 mal-qara fermasında quş qripi testlərinin müsbət çıxması səbəbindən ştatda fövqəladə vəziyyət elan edilib.
