İraqın şimalında yol tikintisi zamanı PKK terrorçuları tərəfindən Türkiyənin hərbi iş maşınına minaatanlardan hücum olub.
Türkiyə mediası xəbər verir ki, hücum nəticəsində 2 əsgər şəhid olub, 1 əsgər isə ağır yaralanıb.
Məlumatı Türkiyə Silahlı Qüvvələri də təsdiqləyib.
Rəsmi məlumatda deyilir ki, iyunun 2-də İraqın şimalında yol tikintisi zamanı hərbi iş maşınına separatçı terror təşkilatı mənsubları tərəfindən həyata keçirilən hücum nəticəsində, iki silah dostumuz şəhid olub, biri isə ağır yaralanıb.
Türkiyə Silahlı Qüvvələri şəhid olan və yaralanan əsgərlərin ailələrinə başsağlığı verib.
