04 iyun 2024-cü il tarixində Dağlıq Şirvan Regional Gənclər və İdman İdarəsinin Qobustan rayonu üzrə gənclər və idman sektorunun təşkilatçılığı ilə “Güləş” idman zalında Qocyu-ryu okinava karate-do üzrə 3 qat Dünya çempionu İbad Rzazadənin rəhbərliyi altında “Şərq döyüş növləri” üzrə ustad dərsi təşkil olunub.
Təlim zamanı yeniyetmə idmançılara və həvəskarlara əlbəyaxa döyüş növləri haqqında ətraflı məlumat verilib. İştirakçılar qızışdırıcı fiziki hərəkətləri yerinə yetirdikdən sonra məşqçi İbad müəllimin rəhbərliyi altında təhlükəli vəziyyətində özünü müdafiə etmək bacarığı, rəqibin hərəkəti ilə uzlaşan və onu tamamlayan hərəkətləri yerinə yetirib müxtəlif fəndləri mənimsəyiblər.
“Şərq döyüş növləri” üzrə ustad dərsinin keçirilməsində məqsəd uşaqlar və yeniyetmələr arasında əlbəyaxa döyüş növlərinə marağın artırılması, təhlükəli vəziyyətində özünü müdafiə etmək bacarığının aşılanması, sağlam həyat tərzinə çağırış və asudə vaxtın səmərəli təşkilidir.
#AZEgənclər #AZEidman