“Apple”ın yeni əməliyyat sistemi iOS 12-nin yenilənmə tarixi məlum olub.
AZTB.info xəbər verir ki, “Apple” şirkəti bir tərəfdən ötən ay təqdim etdiyi iOS 11.2.5 versiyasında meydana gələn problemləri həll etməklə məşğul ikən, digər tərəfdən iOS 12 yenilənməsini təqdim etməyə çalışır.
Bu gün mediaya sızan məlumata görə, iOS 12 əməliyyat sistemi ötən illərdə olduğu kimi bu dəfə də “Worldwide Developers Conference”də tədim ediləcək. Konfrans 4-8 iyunda, San Fransiskodakı Moskoun Mərkəzində keçiriləcək.
Qeyd edək ki, iOS 12 ilə telefonlardakı təhlükəsizlik problemlərinin həlli, “FaceTime Animoji” dəstəyinin veriləcəyi və Siri inteqrasiyasının artırılacağı bildirilir.
