İran prezidenti həsən Ruhani ABŞ-ın 5 noyabrda ölkəsinə tətbiq etdiyi sanksiyalar ilə bağlı açıqlama verib.
Prezident ABŞ-ın tətbiqinə başladığı sanksiyalardan geri addım atmaq məcburiyyətinə qaldığını və İran neftinin qiymətini sıfıra endirə bilməyəcəyini etiraf etdiyini deyib.
“ABŞ-ın rejim və hökuməti hədəf aldığına dair açıqlaması doğru deyil. Vaşinqton hökuməti İran xalqını hədəf alıb. Bankların işinə və ixracata zərbə vuraraq xalqın yaşayış şərtlərini ağırlaşdırmaq istəyirlər. Çünki banklara sanksiya tətbiq edilən zaman dərman və digər səhiyyə ehtiyacları hədəfə alınmış olur”-, Ruhani bildirib.
ABŞ-ın 5 noyabrda tətbiqinə başladığı sanksiyaların İran üzərində yeni bir təsiri olmadığına, aylar öncə tədbirlərin görülərək bütün addımların atıldığına işarə edən İran prezidenti Terrorizmin Maliyyələşdirilməsi ilə Mübarizə Konvensiyası (CFT) qanunu ilə bağlı bunları deyib:
“ABŞ İranı terror dəstəkçisi və terrorizmi maliyyələşdirən ölkə olaraq göstərmək istəyir. Bu gün beynəlxalq qərarlar və qanunlara diqqət etmək mövzusunda daha da qərarlıyıq. Düşmənin bu mövzudakı iddialarını çürüdəcək və bütün bəhanələrini əllərindən alacağıq. ABŞ gələcəkdə yanlış etdiyini anlayacaq. İran xalqı yorulmadı, əksinə, daha çox vəhd göstərir. Amerika hökuməti İran neftinin qiymətini sıfıra endirməyi planlaşdırırdı ancaq sonunda bunu bacarmadığını etiraf etdi”. (Publika.az)
