Rusiyanın hava hücumundan müdafiə qüvvələri ötən gecə ölkənin müxtəlif regionları və Qara dəniz üzərində 384 Ukrayna pilotsuz uçuş aparatını (PUA) vurub.
Bu barədə Rusiya Müdafiə Nazirliyi məlumat yayıb.
Bildirilib ki, sentyabrın 29-u saat 20:00-dan sentyabrın 30-u saat 08:00-dək 384 PUA ələ keçirilib və məhv edilib.
PUA-ların Belqorod, Bryansk, Voronej, Volqoqrad, Kostroma, Kursk, Penza, Oryol, Rostov, Ryazan, Saratov, Samara və Ulyanovsk vilayətləri, Moskva regionu, Başqırdıstan, Tatarıstan və Perm vilayəti üzərində, həmçinin Rusiyanın işğalı altında olan Krım və Qara dənizin akvatoriyasında vurulduğu bildirilib.
